رامي صبري: عدم الرد على المبدعين بسبب عدم التجديد

علق الفنان رامي صبري، عبر خاصية القصص القصيرة بحسابه الرسمي على إنستجرام، على حديث عدد من الملحنين والشعراء بسبب قلة أعمالهم.

وكتب رامي صبري: “عدم الرد على ملحنين ومؤلفين أو مبدعين بشكل عام، هو عدم التجديد، وإن مافيش أفكار مختلفة”.

حديث الملحن نادر نور

يأتي منشور رامي صبري، بعد ساعات من حديث الملحن نادر نور عن عدم رد وتواصل بعض المطربين معه.

وكتب نادر نور: “بعتذر لكل الناس اللي بتبعت لي كلمات أغاني، من فضلكم ماتبعتوش تاني.. معنديش مشاريع شغال عليها ولا نجوم بتسمع مني أغاني، ولا عندي حاجة أقدر أساعدك بيها، لأني ببساطة محتاج اللي يساعدني”.

وأضاف: “للناس اللي بتتهمني بالكسل والتقصير، أنا فعلًا بعدت فترة لأسباب شخصية، وبحاول أرجع من 3 سنين ومش عارف.. ماسيبتش باب ماخبطتش عليه، فقدت التواصل مع الأغلبية العظمى داخل الوسط الغنائي، منهم نجوم اشتغلت ونجحت معاهم، ومنهم اللي بحاول أشتغل معاه للمرة الأولى، ومنهم اللي عشرة عمر ومشوار بدأناه سويًا”.
وتابع: “اللي بيرد على التليفون مرة مابيردش تاني، وبقيت أحس بالرفض وعدم التقبل، وأنا مش متعود أزن على حد أو أطلب الحاجة أكتر من مرة بشكل يقلل مني ومن احترامي لنفسي، بعد كل اللي قدمته”.

واختتم رسالته قائلًا: “ماعنديش مشاكل مع حد، ولا بكتب الكلام ده لكسب…